لەسلێمانی هێڵێکی ئینتەرنێت بۆ گەشتیاران ئامادە دەکرێت وێنه
 
ئەمڕۆ 13تشرینی یەكەم لە هۆتێل ڕامادا كۆنگرەیەكی ڕۆژنامەوانی بۆبەڕێوەبەرایەتی گەشتوگوزاری سلێمانی سەبارەت بەئامادەكارییەكانی بۆ پێشوازی كردن لەگەشتیاران لە ڕۆژانی جەژن سازكرا، هەروەها لەگەڵ ئاشكرا كردنی ئاماری شوێنە گەشتیارییەكان و سەردانی ڕێژەی گەشتیاران بۆ پارێزگای سلێمانی .
بەڕێوەبەرایەتی گەشتوگوزاری سلێمانی ئامادەكاری بۆ ڕۆژانی جەژن دەكات بەمەبەستی پێشوازی كردن لەگەشتیاران بەپێدانی ڕێنمایی و ئەلبومی چاپكراو، لەگەڵا دانانی بەرنامەیەكی ئەلیكترۆنی كەیارمەتی گەشتیاران دەدات بۆ گەیشتن بۆ ئەو شوێنەی مەبەستیانە .
یاسین فەقێ سەعید بەڕێوەبەری گشتی گەشتوگوزاری سلێمانی لەكۆنگرە ڕۆژنامەوانییەكەدا ڕایگەیاند: لە هەردوو بازگەی عەربەت و تاسلوجە چەند تیمێكمان داناوە بۆ پێشوازیكردن لەگەشتیاران، ئەویش بەپێدانی ڕێنمایی و چاپكراوێكی تایبەت و ئەلبومێكی گەشتیاری و نەخشە،
لەگەڵ هێڵێكی ئینتەرنێتی بەهێز كەئەویش لەبازگەكان دابین كراوە بۆ ئەوگەشتیارانەی دێنە ناو پارێزگای سلێمانی، بۆ ئەوەی گەشتیاران ئەوبەرنامە ئەلكترۆنیەیی وەكو دەلیلی گەشتیاری دامانناوە دای بەزێنێت لەمۆبایلەكەیاندا،، چونكە بەو بەرنامەیە دەتوانێت بگاتە ئەو شیوێنەی كەخۆی دەیەوێت،
تەنانەت زانینی نرخی ئەوشتانەی كە لەوشوێنەشدا هەیە . بەڕێوەبەری گشتی گەشتوگوزاری سلێمانی وتیشی: (800) شوێنی گەشتیاری ئامادەن بۆ پێشوازیكردنی گەشتیاران لە رۆژانی جەژندا.
ئارام شوانی بەڕێوەبەری ڕاگەیاندنی گەشتوگوزاری سلێمانی ڕایگەیاند: رێژەی زیادبونی شوێنە گەشتیارییەكان لە پارێزگای سلێمانی لەم ساڵدا بەبەراورد لە چاو پارساڵدا بەرێژەی لە 21% زیادی كردووە، چونكە لە پارساڵدا (583) شوێنی گەشتیاری هەبوو، بەڵام لەمساڵدا شوێنە گەشتیارییەكان بووە بە(706) شوێن . وتیشی: لەساڵی (2012)دا (374) هەزار و (276) گەشتیار سەردانی سنوری پارێزگای سلێمانیان كردووە،
لە ماوەی (8)مانگی ڕابردووی ئەمساڵیشدا (252) هەزار و (152) كەشتیار هاتوونەتە پارێزگای سلێمانی، بەو پێیەش رێژەی گەشتیاران لەم ساڵدا زۆر زیاتر دەبێت لەچاو ساڵی (2012)دا .
ڕێکه‌و 2013-10-13 13:27:14
به‌شی ( ئابووری )