هاوپەیمانی مێژوویی کوردوشیعە یان هاوسەرگیری (هاوپەیمانی) سیاسی موتعەی کوردو شیعە هاوپەیمانی مێژوویی کوردوشیعە یان هاوسەرگیری (هاوپەیمانی) سیاسی موتعەی کوردو شیعە وتاری به‌ڕێز کاک ئیبراهیم جاف ده‌رباره‌ی هاوسەرگیری (هاوپەیمانی) سیاسی موتعەی کوردو شیعە لە مێژوودا کورد هیچ کاتێک هاوپەیمانی باوەڕپیکراوی نەبووە کە بتوانێ سودی لێوەربگرێ، کوردو بزووتنەوەکەی بە درێژایی مێژوو وەک ئامرازو کەرەستە بۆ ڕوخاندنی ڕژێمە داگیرکەرەکان بە کارهێنراوە ،کورد باس لە هاوپەیمانی مێژوویی کوردو شیعە دەکەن ،شیعەش وەك داب ونەریتی ئایینی ومەزهەبی باس لە هاوپەیمانی موتعە دەکەن. کاتی ڕژێمی سەدام شیعە پێویستی بە خزمەتکار هەبوو ئەو خزمەتکارە ناوی کوردە وبۆیە ئایەتوڵلا ئێران بە دەستپێشخەری کوردو شیعەی لە یەک مارەبڕی لە سەربنەمای هاوپەیمانی موتعە، ئێستا ئەو خزمەتکارە سودی نەماوەو گران وقورس بووەو کاتی هەڵوەشاندنەوەی هاوپەیمانی موتعو بو پێی شەرعی جەعفری و ئایەتوڵڵا ءیران دەیەوێت جارێکی تر ئەو هاوپەیمانیە موتعەیە زیندوو بکاتەوە بەڵام خزمەتکار دەبێت کورد بێت بە بێ هیچ نەفەقەیەک وبە بێ هیچ پێشەکیەک، واتە هاوپەیمانی کۆیلەیی، واتە کورد دەبیت بە هەموو شیوەیەک مافی نابێت ، کورد دەبێت بە کۆیلە، یەکەم کورد ئەو پێویستیە بە نرخە نەماوە وکە نرخیش دابەزی کۆیلەیی دەستبەسەری وخۆبەدەستدانەوەیە. ئەوەی لە لەو بارودۆخەی ئێستای عێراق بگات، ئەمە تەنها گرفتی تاکڕەوی نوری مالکی نیە، بەڵکو ئەوە ستراتیژی بەرنامەداڕێژراوی شیعەیە بۆ دامەازراندنی دەوڵەتی وڵایەتی فەقیە کە لە ئیسلامدا ولایەتی فەقیە بوونی نیە، ئەمە دامەزراوەیەکی تایفی شیعەیە بە ڕابەری ئێران، ئەگەر ساڵی 1979 تا 1981 وە بیر خۆمان بهێنینەوە خومەینی هەموو هێزە ئێرانیەکانی بە کوردو حیزبی تودەشەوە کۆکردەوەی بۆ دامەزراندنی سیستەمێکی نوێی نیشتیمانی مەهدی بازرگان لە حیزبی نیشتیمانی کوردە سەرۆک وەزیران و ئەبو حەسەن بەنی سەدری کرد بە سەرۆک کۆمار متمانەی هەموو لایەنەکانی بەلای خۆیدا ڕاکێشا ودەسەڵاتتی خۆی بە‌هیز کرد، کوردی دوور خستەوەو کردنی بە دوژمنی شۆڕش وئێران هەمووان کوردیان بە خاین دا لە قەڵەم، پاشان هێزەکانی نەیاری ناو ڕیزەکانی خۆی پاش تەقینەوەکانی ناو پەرلەمانی ئێران کە زیاتر لە 80 کە س لە پەرلەمانتارو سیاسەتمەداری لە ناوبرد پاشان کەوتە گیانی حیزبی تودەو چەپەکان ئەوانیشی ئەوەندە بێهێزکرد کە نەبنە مەترسی بۆ ڕژێمەکەی، دوا کەش ئەبو حەسەنی بەنی سەدر گەورە کوردکوژی ڕاوەدەرنا لە دەسەڵاتی سەرۆک کۆماری.من وە بیر خوێنەران دێنمەوە مالکی بە هەمان ڕەفتاربە هامان ستراتیژی وپرۆگرام ڕەفتار دەکات،ساڵانی 2005 تا 2008 مالکی بە یارمەتی میلیشیاکانی سوپای مەهدی شەڕی تایفەیی دژی سونەی کردو پاشان بە پێشمەرگە شەڕێ تایفەیی ڕاگرت و کورد ڕووبەڕووی سوپای مەهدی کردەوەو پێشمەرگە توانی بەغداد لە میلیشیاکان پاک بکەنەوە، پاشان دووبەرەکی خستە نێوان ڕەوتی سەدرعە‌صائب ئەلحەق لە سوپای مەهدی جیابووەوە بە هاوکاری مالکی ، پاشان هێزی بەدری لە مجلس ئەعلا جیابووەوە، واتە هەموو مەترسیەکانی سەرخۆی وڕەوتی ولایەتی فەقیەی نەهێشت ، تەنها یەک مەترسی مابوو ئەویش کورد بووپاقش سونە، بۆ چەند مانگێک توانی دووبەرەکی لە ناو هێزەکوردییەکاندا دروست بکات بە تایبەتی دوو بۆچونی جیاوازی پارتی ویەکێتی کاتی هەوڵی لێسەندنەوەی متمانە لە مالکی ، بەڕێز تالەبانی کەوتە داوی مالکیەوە بە کاتێک مالکی وەعدو پەیمانی زۆری دا بە مام جەلال کورد بوو بە دووبەرە لە دەربارەی لێسەندنەوەی متمانە، بەڵام مالکی هەڵەیەکی گەورەی کرد ئەو هەڵەیەش ئەوەبوو زۆر گومڕابوو، کوێرانە وا بیری دەکردەوە کوردیشی کردە دووبەرەی بێهێز چۆن شیعەو سونەیشی کردە دووبەرەی بێهێز،تەنها یەک هەنگاو مابوو مالکی سەربکەوێت ئەوێش پێش ئەو هەنگاوە کورد بە خەبەر هات .هەنگاوی دووایی مالکی وشیعە وەدەرنانی مام جەلال لە کۆشکی سەرۆککۆمار وەک ئەبو حەسەن بەنی سەدر من هەمان سیناریۆی خومەینی دەبینم هەنگاوەکان وسترتیژییەکانی مالکی و هاوپەیمانیانی هیچ جیاوزییەکی نیە، تاکە جیاوازییەکان ناوەکانن .بەم نزیکانە دەکەونە هێرش کردنە سەر مام جەلال وبە قەومی وتایفی بە هەموو شیوەیەکی ناشیرین هەوڵی ناو زڕاندنی دەدەن چۆن ئێستا ماوەی ساڵێکە دژی بەڕێز سەرۆکی بارزانی هەموو پارەو ڕاگەیاندنیان هەیە خسویانەتە کار ،چۆن کاتی خۆی بەرامبەر شەهید قاسملۆ بە هەمان شیوە ودووایی بە هەمان شیوە خوالێخۆشبوو شیخ عیزەدینی حوسەینی ، ئەبو حەسەن بەنی سەدر شەڕی کوردی کورد کاتێک بە هێزە دڕندە چەکدارەکانی وت نابێت پۆستالەکانتان بکەنوە تا کورد لە ناو دەبەن، بەڵام مالکی عەبدولئەمیر ئەلزەیدی کە تا ئێستا پۆستاڵەنی کە لە لایەن سەدامەوە پێبەخشرا و شاڵاوی ئەنفالی کرد، وادەبینێ کە ئەرکەکەی تا ئێستا تەواو نەبووە، ئەنفالی تا ئێستا کۆتایی نەهاتووەوبە ئەرکی نەتەوەیی خۆی دەزانی شاڵاوی ئەنفال بەرە و سەرکەوتنی یەکلاکەرەوە ببات.ئێستا مالکی هاتووەتە دوا هەنگاوەکانی مەرامەکانی ئەویش ڕاونانی مام جەلال لە کۆشکی سەرۆککۆماری وەک چۆن خومەینی وهاوپەیمانانی ئەبو حەسەنی بەنی سەدریان ڕاونا. دەبێت کورد بزانێ هاوپەیمانی کوردو شیعە هاوپەیمانیەکی موتعە بوو واتە کاتی وە هەموو تێدەگەن موتعە بە مانای چی دێت. ڕێکه‌و 2012-12-13 16:27:28
به‌شی ( )