سەردانی جێگری سەرۆکی گشتی پارتی سەربەستیی کوردستان بۆ مانگرتوانی ئێزیدی وکریستیانەکان  ڕۆژی 17.08.2014 ئیبراهیم جاف وشاندێکی یاوەری سەردانی شاری ئێنشەدەی لە هۆڵەندا مانگرتوانی کوردانی ئێزیدی وکریستیانەکانی سریانی کرد، بەناوی خۆی وپارتی سەربەستیی کوردستان پشتگیری داوای مانگرتوانی کرد.
شایەنی باسە کۆمەڵێک کوردو کریستیانی هەموو پارچەکانی کوردستان ناوەڕاست لە ڕۆژی هەینی 15.08.2014 دەستاین بە مانگرتن لە خواردن کردوەو داوا لە کۆمەڵگەی نێودەوڵەتی
وەک یەکێتی ئەوروپاو وڵاتە یەکگرتوەکانی ئەمریکا وڕێکخراوی نەتەوە یەکگرتوەکان بکەوێتە کار بۆ پاراستنی کریستیانەکان وکوردانی ئێزیدی وعەلەوی وشیعە لە هیرشە دڕندەکانی ڕێکخراوی داعش
کە لە هەوڵی پاکتاوی نەژادی وئایینی ئێزیدی وکریستیانەکانی باشوورو ڕۆژئاوای کوردستانن وڕۆژهەڵاتی ناوەڕاستن.
شایەنی باسە ڕێکخراوی داعش ڕێکخراوێکی ئیسلامی فاشیستیە شۆڤینیستەو هەڵگری هزری سەلەفی تووندڕەوەن کە دەیانەوێ جیهان بگەڕێننەوە سەردەمی موحەمەد دامەزرێنەری ئیسلام ودژایەتی
هەموو ئایین وتایفەیەکی غەیرە خۆیان دەکەن.
لە ڕۆژئاواوباشووری کوردستان و سوریاو عێراقیش بە شیوەیەکی زۆر دڕندانە دەستیان کردوە بە کۆمەڵکوژی کوردانی ئێزیدی وعەلەوی وشیعە وهەروەها کوشتن وکۆمەڵکوژی کریستیانەکان .
ئەو ڕێکخراوە تێرۆریستیە بە هەمان شیوازی سەردەمی موحەمەدو خەلیفەکانی دەیانەوێ غەیرە سونەکان بە زەبری شمشێر بکەنە موسوڵمان، ئەو ڕێکخراوە هەموو تووندوتیژیەکانی و کۆمەڵکوژیەکان
لە ناوەڕۆکی بڵاوکراوەکانی ئیسلامەوە وەک سەرچاوەکانی قورئان وحەدیس هتد. بە ڕەوا دەزانێ وهەڵگری پەیامەکەی موحەمەدن وئایینی ئیسلام بە دروستی پەیڕەو دەکەن..
ئەو ڕێکخراوە داعش وهاوبیرو هاوشێوەکانی وەک قاعیدەو چەند ڕێکخراوێکی تر لە 10 ساڵی ڕابووردوو دووای ڕووخانی ڕژێمی دیکتاتۆری سەدام بە سەدان هەزاران
کریستیان و کوردی ئێزیدی وکاکەیی وعەلەوی وشەبەک وشیعەیان کوشتووەو بە شیوازی سەربڕین و گولەبارانی بە کۆمەڵ و هەروەها بە سەدان هەزاریان لە ماڵ وزێدی خۆیان ئاوارە کردوەو سەروەت ماڵیان تاڵان کردوە،
تاڵانی وکۆمەڵکوژی لە سورەتی ئەنفال لە قورئاندا شەرعیەتی پێدراوە ، دێی باسە بە پشت بەستن بەو سورەتەی ئەنفال لە قورئان نزیک 200000 کوردیان لە باشووری کوردستان کۆمەڵکوژ وزیندە بەچاڵ کرد لە ساڵەکانی 1988
هەروەها بۆ کۆمەڵکوژی وتاڵانی دەقی ئەو سقرەتە شەرعیەتی پێداون کە غەیرە موسوڵمانان وەک ئێزیدی وکریستیان بکەنە ئامانج.
داواکاری مانگتوان ئەمانەی خوارەوەیە:
1- پارستنی کوردان وکریستیانەکان لە هێرشی کۆمەڵکوژی هێزە ئیسلامیە توندڕەوەکان داعش وقاعیدەو بەرەی نوسرەو ناسینالیستە عەرەبیەکان
2- هاوکاری وکۆمەکی ئاوارەکان وقەرەبووکردنەوەیان
3- سەرپەرشتی وچارەسەری پزیشکی ودەروونی بۆ ئاوارەکان و برینداران ومنداڵان وئافرەتانی ئەتککراو
4- دادگایی کردنی تاوانباران وهاکارەکانیان وسزادانی ئەو وڵات هێزولایەنەناەی کۆمەکی ئەو هێزە چەتە ئیسلامیانە دەکەن وکردوویانە
5- بە جینۆساید ناساندی ئەو تاوانە کۆمەڵکوژیانەی دژی ئێزیدی وکریستیانەکانی سوریاو عێراق وتورکیا و ئێران وهەموو ڕۆژهەڵاتی ناوەڕاست

ناوەندی ڕاگەیاندنی پارتی سەربەستیی کوردستان
17.08.2014

وێنه

وێنه

وێنه
ڕێکه‌و 2014-08-18 06:44:49
به‌شی ( هه‌واڵه‌کان )