بڕیاری شەڕی تایفی لە لایەن عەلی خامنەیی ڕابەری ئێران

وێنه

بڕیاری شەڕی تایفی کە لە لایەن ئایەتوڵا عەلی خامەنەیی لە چەند ڕۆژی ڕابوووردوو دەرچووەو حکومەتی عێراق بە سەرۆکایەتی نوری ئەلمالکی دەستپێشخەری لەو شەڕە دەکات. بە پێی ئاژەنسەکانی هەواڵگری و ڕاگەیاندن عەلی خامنەیی ڕابەری ئێران فەرمانی شەڕی تایفی دژی سونەکان بۆ حکومەتی عێراق دەکردوەو لە داهاتوویەکی نزیکدا ئەو شەڕ تایفیە پەرەدەسێنێ وسونەکان دەبنە ئامانجی هێرشی هیزە تێرۆریستەکانی شیعەگەری وەک حیزبوڵاوی عێرا ق و عەصائف ئەلحەق و بەدرو چەند ڕێکخراوو گروپی تونڕەو بە پشتیوانی حیزب وڵای لوبنانی لە ژێر ناونیشانی ناسایشی نیشتیمانی و بە فەرمانی نوری ئەلمالکی وبە پێشنیاری سالم فەیاز بەرپرسی ئاسایسی نەتەوەیی.

نەخشە ڕیگایەکی نهێنی بۆ لێدانی خۆپیشاندەرانی ناوچە سونەیەکان داڕێژراوەو لەم چەند ڕۆژەی داهاتوودا ئایەتوڵا خامنەیی بڕیاری کۆتایی لە سەر ئەو نەخشە ڕێگایە کە لە لایەن سالم فەیازەوە بۆ نوری ئەلمالکی ئامدەکرابوو، نوری ئەلمالکیش لە ڕێگەی کەسێکی سەربازی نزیکی خۆی ناردوویەتیە لای ئایەتوڵا عەلی خامەنەیی بۆ بڕیاری کۆتایی. ڕۆژی یەکشەممە 24 ی امرسی 2013 عەلی خامەنەیی لە گەڵ سەرانی فەیلەقی قودس کۆبوونەوەی نهێنی ئەنجام داوە، بە پێی زانیاری لە دەزگا سیخوڕییەکانی ڕۆژئاوا پیدەچێ پێش هاتنی سالیادی دە ساڵە  ڕزگارکردنی عێراق لە ڕژێمی سەدام حوسەینی لە 9 ئەپریل 2013 کۆتایی بە ناڕەزاییەکانی ناوچە سونیەکان بهێنن. پێدەچێ کە پێش 9 ئەپریلی 2013 هێرشیکی گەورە لە ژێر ناونیشانی وەدەرنانی چەکدارانی ڕێکخراوی قائیدە لە ناوچەکانی خۆر ئاوای عێراق کە زۆرینەی عەرەبی سونەن بکرێت. بە پێی زانیاریەکان هەزاران سونە دەکرێنە ئامانج هەم تۆڵەی تایفی شیعەگەرەکان وهەم چاوترساندنی سونەکان جارێکی تر لە ڕووی دەسەڵاتی شیعەی عێراق ڕانەبنەوە.

چەند زانیاریەک لە مەکتەبی تایبەتی سەرۆکوەزیرانی عێراق نوری ئەلمالکی  دزەی کردەوە و وە سەرچاوەکەش نەیویست ناوی خۆی ئاشکرا بکات تەئکیدی لەوە کردەوە کە نوری ئەلمالکی چاوەڕێی دووا بڕیاری ڕابەری ئێران ئایەتوڵا عەلی خامنەیی دەکات ، وە لەم ڕۆژانەی کۆتایی مانگی مارس چاوەڕواندەکرێت فەرمانی شەڕ لە تارانەوە بێت بۆ بەغداد.

ڕێکه‌و
به‌شی ( هه‌واڵه‌کان )